هونەرمەند عەینەدین داوای هاوکاری لە هاونیشتمانییان دەکات

 

لە گرتەیەکی ڤیدیۆییدا کە دەست تۆڕی میدیایی رووداو کەوتووە، هونەرمەندی رۆژهەڵاتی کوردستان عەینەدین ئەڵماسی دەڵێت، هیچکات چاوی لە دەستی خەڵک نەبووە و داوای هاوکاری نەکردووە، بەڵام ئێستا تووشی کێشەیەکی خێزانی بووە و پێویستی بە هاوکارییە.

 

هونەرمەند عەینەدین ئەڵماسی بەبێ ئەوەی ئاماژە بە کێشە کۆمەڵایەتییەکەی بکات، داوا لە هەوادارانی خۆی و هونەردۆستان و هاونیشتمانییان بەگشتی دەکات هاوکاری بن بۆ تێپەڕاندنی ئەم دۆخە دژوارەی تێیکەوتووە و دەشڵێت، "کێشەکەی بە رادەیەک گەورەیە کە چیدیکە ناتوانێ لە ماڵەکەی خۆی بژیت و لای خەڵک دەمێنێتەوە".

 

عەینەدین ئەڵماسی ناسراو بە عەینەدین مەریوانی ساڵی 1960 لەدایکبووە و لە تەمەنی 10 مانگییەوە بینایی لە دەستداوە.