تیپی هونەری میللی دهۆک لە پڕۆژەیەکی هاوبەش لەگەڵ هونەرمەندانی سوێد کاردەکات

 

تیپی هونەری میللی دهۆک لەگەڵ دوو راهێنەر لە سوێد و بە پاڵپشتی حکومەتی ئەڵمانیا، بەشداری لە پڕۆژەیەکەدا کردووە بۆ راهێنانی 30 گەنجی کوڕ و کچی پارێزگای دهۆک لەسەر سەمای مۆدێرن کە بۆ ماوەی دووە مانگە بەردەوامە و بڕیارە نمایشی سەما لە دهۆک و یۆتۆبۆری پێشکێش بکەن. 

 

موهەنەد هەواز راهێنەرێکی سوێدییە و بە رەچەڵەک عێراقییە، زیاتر لە 10 ساڵە وەک راهێنەری سەما کاردەکات و دوو مانگە هاتووەتە دهۆک و کچ و کوڕانی ئەو پارێزگایە فێری سەمای مۆدێرن دەکات.

 

30 سەماکەری دهۆک، 15 کوڕ و 15 کچ لەگەڵ دوو راهێنەری سوێدی سەرقاڵی گۆڕینەوە کولتووری نێوانیانن. حکومەتی ئەڵمانیاش پاڵپشتی دارایی ئەو پرۆژەیە دەکات. 

 

لە کۆتایی پرۆژەکە تابلۆیەکی هونەری کە پێکهاتووە لە سەما و میوزیکی هاوبەشی سوێدی و کوردستانی پیشان دەدرێت.