هەمزە ئاگۆشی بەربژێری خەڵاتی باشترین ئەکتەرە لە نەرویج

 

جگە لەوەش دوایین فیلم کە ئاگۆشی رۆڵی تێدا بینیوە، هەفتەی داهاتوو لە میونشنی ئەڵمانیا و لە فێستیڤاڵی فیلمدا نمایش دەکرێ. دەرفەتێکی باشە بۆ ئەوانەی لەوێن بۆ ئەوەی بچن فیلمی "ئەنکڵ یێنس" یان "مام وێنس" ببینن. 

 

هەمزە ئاگۆشی، لە نەرویجەوە میوانی دیاسپۆرا بوو و لەو بارەیەوە خەڵاتەکەوە گوتی: "ئاماندا گەورەترین خەڵاتی سینەماییە لە نەرویج و ساڵانە پێشکێش بە کۆمەڵێک ئەکتەر، دیزاینەر، پرۆدیوسەر، دەرهێنەر و  کامێرەمان دەکرێت، خەڵاتەکە لە 1985ـەوە دەدرێت بە فیلمی نەرویجی و بیانییەکان و خەڵاتەکە پەیکەری ژنێکە وەک هێمایەکی بەرزی هونەری وڵاتی نەرویج".

 

ئاگۆشی روونیکردەوە، رکابەرەکانی دوو خانمە ئەکتەری نەرویجین و لە 16ـی ئابی 2025 خەڵاتەکە رادەگەیێندرێت.

 

گوتیشی: "پێشتر دوو خەڵاتم لە تووی دراماوە وەرگرتووە، لە 2021 و 2024 کە بریتی بوون لە چوارچێوەی زێڕین، خەڵاتەکە تەلەفزیۆنی بوو بۆ دراما، بەڵام ئەوەی ئاماندا سینەماییە".

 

سەبارەت بە فیلمی "مام وێنس" و نمایشکردنی لە فێستیڤاڵی نێودەوڵەتی میونشن لە ئەڵمانیا هەمزە ئاگۆشی گوتی: "لە فێستیڤاڵی فیلمی نێودەوڵەتی میونشن دا ساڵانە 200 فیلم بەشدار دەبن، کە دووەم گەورەترین فێستیڤاڵی فیلمە لە دوای فێستیڤاڵی فیلمی بەرلین لە ئەڵمانیا، کە سەتان رەخنەگر بەشدار دەبن و فیلمی 'مام وێنس" لە 3ـی مانگی داهاتوو یەکەمجار لە فێستیڤاڵەکەدا پێشاندەدرێت و دواتر لە 5ـی ئەمموز دووبارە نمایش دەکرێتەوە".

 

ئاگۆشی ئەوەشی خستەڕوو، فیلمی "مام وێنس" لە ئەمریکا، ئیتالیا، نەرویج پێشاندراوە و پێشوازییەکی گەورەی لێکراوە، بەم نزیکانە لە لەندەن و ستۆکهۆڵمیش پێشاندەدرێت.