بەرهەمەكەی شەهرام نازری ئامادەیە
رووداو – تاران
كارەكانی ئەلبوومێكی نوێی گۆرانیی هونەرمەند شەهرام نازری لە كۆتاییەكانیدایە و بەم نزیكانە بڵاودەكرێتەوە.
ئەردەوان جەعفەری، بەڕێوەبەری كۆمپانیای پەردیس كە سپۆنسەری بەرهەمەكەیە، بە میدیاكانی ئێرانی راگەیاند: "ماوەی یەك ساڵ و نیوە خەریكی ئەو ئەلبوومەین. تێكستی گۆرانییەكان لە شیعرەكانی ئەبو سەعید ئەبولخەیر وەرگیراون. مۆسیقاكەشی لەلایەن ئۆركێسترای فلارمونیكی چیكی-یەوە ئامادەكراوە كە 70 ژەنیار بەشدارییان تێدا كردووە".
بەگوتەی جەعفەری، ئەلبوومەكە لە مانگی رێبەندانی ئەمساڵ دەكەوێتە بازاڕ كە ئەمیر پوورخەلەجی كاری دابەشكردنی میوزیكی بۆ كردووە.