پەری سیما لە سلێمانییە: لە فڕۆکەخانە پێیان گوتم تۆ بکوژی ستایشی؟

 

 

لە هەڤپەیڤینێکدا لەگەڵ تۆڕی میدیایی رووداو، نادری باسی لە یەکەم گەشتی بۆ کوردستان، بەشداریکردنی لە فێستیڤاڵەکە و کاریگەریی رۆڵی "پەری سیما" لە درامای بەنێوبانگی "ستایش" دەکات.

 

فەریبا نادری بە خۆشحاڵییەوە رایگەیاند، ئەمە یەکەمین جارە سەردانی شاری سلێمانی دەکات و بە فیلمی درێژی "ئادەمفروش" بەشداری لە فێستیڤاڵەکەدا دەکات، کە بەرهەمی مەحموود کەلارییە و پێشتر چەندین خەڵاتی لە ئێران بەدەستهێناوە. نادری ئاماژەی بەوە دا، فیلمەکە لە بەشە جیاوازەکانی وەکو دەرهێنان، نواندن، دیمەن و جلوبەرگ خەڵات کراوە و لە زۆر فێستیڤاڵدا نمایش کراوە.

 

"پەری سیما" و کاریگەریی لەسەر بینەران

 

نادری دان بەوەدا دەنێت کە رۆڵی "پەری سیما" وەکو خوشکی حیشمەت فیردەوسی لە درامای "ستایش" کاریگەرییەکی گەورەی لەسەر بینەران هەبووە، تەنانەت خەڵک رقیان لێی بووەتەوە، "من ئێستا داوای لێبووردن لە هەموو ئەو بینەرانە دەکەم کە ئازارم دان بەهۆی رۆڵی پەری سیماوە لە درامای ستایش، بەڵام ناچار بووم بەهۆی رۆڵەکەم."

 

سەبارەت بە پەیوەندیی نێوان خۆی و نێرگس محەممەدی (ستایش)، نادری گوتی، "من و نێرگس هاوڕێی زۆر نزیکی یەکدین و کاتێک خەڵکی هەردووکمان پێکەوە دەبینن، سەریان سوڕدەمێنێ و دەڵێن، ئێوە لەگەڵ یەکدین؟ ئێمەش دەڵێن، ئێمە هاوڕێین، تەنیا لەو کارەدا ناچار بووین دوژمنی یەکتر بین." ناوبراو ئاشکرای کرد کە پەیوەندییەکەیان لە کاتی کاری درامای ستایشدا دەستیپێکردووە و نێرگس بۆی وەک خوشکە.

 

 

 

فەریبا نادری: سڵاو بۆ ئێوە و بۆ هەموو ئەو کەسانەی بەرنامەکەتان دەبینن. بەڵێ ئەوە یەکەمین جارمە هاتوومەتە شاری سلێمانی. زۆر سوپاس بۆ بانگهێشتەکەتان و بە خۆشحاڵییەوە لە خزمەتتاندام.

 

 

فەریبا نادری: لە راستیدا فیلمێکم هەیە، فیلمێکی درێژ بە ناوی ئادەمفروش، بەرهەمی بەڕێز مەحموود کەلارییە، کە دوو ساڵ لەومەوبەر لە وڵاتی خۆمان خەڵاتی زۆری بەدەستهێنا، لە بەشە جیاوازەکانی وەکو دەرهێنەری، ئەکتەری، دیمەن، جلوبەرگ و چەند بوارێکی دیکە. لە زۆر لە ڤێستیڤاڵەکاندا بەشدار بووەو ئەمڕۆش لە خزمەتی ئێوەداین.

 

 

فەریبا نادری: من ئێستا با داوای لێبووردن بکەم لە هەموو بینەران، کە ئەزیەتی ستایشم دا، بەڵام ناچار بووم بەهۆی رۆڵەکە. هەموو بنەماڵەی ستایشم ئەزیەت دا، پارەکانیانم لێوەرگرتن و هەموویانم کوشت. لە کۆتاییدا خۆشم لەنێوچووم و کوژرام، بەڵام پێویستە بڵێم، من و ستایش، من و نەرگس هاوڕێی زۆر نزیکی یەکدین و زۆر سەرنجڕاکێشە؛ چ لێرە و چ لە وڵاتی خۆمان بێت، کاتێک خەڵکی هەردووکمان پێکەوە دەبینن، پێیان سەیرە و دەڵێن، ئێوە لەگەڵ یەکدین؟ ئێمەش دەڵێن، ئێمە هاوڕێین، لەو کارەدا ناچار بووین کە دوژمنی یەکتر بین.

 

فەریبا نادری: لەگەڵ نێرگس لەکاتی کاردا یەکترمان ناسی. نێرگس بۆم وەکو خوشکە، ئازیزترە لە خوشک.

 

 

فەریبا نادری: لە ستایشدا یەکدیمان ناسی.

 

 

فەریبا نادری: رێک وایە، بۆ ئێمە پڕ لە بەرەکەت بوو. دووبارە داوای لێبووردن دەکەم کە بوومەتە هۆی ئازاردانی خەڵک بەهۆی رۆڵی پەری سیما، کە ئازاری ستایشم دا.

 

 

فەریبا نادری: نە، لێرە نە. بە دەنگم دەمناسنەوە، بەڵام لە کاتی رۆڵگیران لە درامای ستایشدا بە نۆ مانگە دووگیان بووم، خەریک بوو منداڵم ببێ، زۆریش قەڵەو بووم. زۆر نامناسنەوە، مەگەر ئەوانەی ناوم دەبیسن و دەگەڕێنەوە. مەگەر ئەو کاتەی بڵێم من پەری سیمام، ئەمە ستایشە و من پەری سیمام. زۆر لاواز بوومە.

 

 

فەریبا نادری: بەڵێ، بۆ نموونە لە فڕۆکەخانە کاتێک هاتم و پۆلیسی فڕۆکەخانە خەریکی چێککردنی پاسپۆرتەکەی من بوو، بە منی گوت، ئایا تۆ هەمان بکوژەکەی درامای ستایشی؟ منیش گوتم بەڵێ، من هەمان بکوژەکەم لە دراماکەی ستایشدا، هەڵبەت بە پێکەنین و نوکتە بوو. دوای سەیرم کرد جۆرێکی لێهات کە بکوژەکە هاتووەتە وڵاتی ئێمە و.. گوتم ستایش هاتووە و ئەوەتا.. زوو پاسپۆرتەکەی منی مۆر کرد و گوتی بڕۆ ستایش هات.

 

 

فەریبا نادری: کارکردن لە سینەما، بەگشتی کاری سینەما قورسە. کارکردن لە ژینگە جیاوازەکانیشدا جیاوازە، لە وڵاتانی جیاواز. سوپاس بۆ خودا ئێستا لە وڵاتی ئێمە تێڕوانینی خەڵک بۆ سینەما زۆر پیشەییانەترە و تەنیا وەکو کاتبەسەردن سەیری ناکەن، ئەمەش ناچارمان دەکات کاری باشتر بکەین و بژاردەی باشترمان هەبێ بەتایبەت بۆ ئێمە خانمەکان. پێشتر لە سینەمادا وەکو ئەو فیلمەی کە پار تێیدا خەڵاتم وەرگرت، کەمتر دەبینرا فیلمێک تەنیا لە دەوری رۆڵی ژنێکدا بسوورێتەوە و ژنێک قارەمانی بێت. جاران هەمیشە وابوو کە ژنان لە تەنیشت پیاوان بوون و چیرۆکێک دەستیپێدەکرد. ئێستا خەریکە ئەمە زیاتر و پڕ رەنگتر لە جاران روودەدات، کە ژنەکان رۆڵی سەرەکییان هەبێ و وەکو ژیانی راستەقینە قارەمانی فیلمەکان بن، چونکە بەڕای من بوونی ژن رێزلێنانێکە بۆ هەر کۆمەڵگەیەک.. لەوانەیە زەحمەت بێت وەرگێڕانەکەی بۆ ئێوە.. ئەمە کارەکە زەحمەت دەکات، بەڵام ئێستا بارۆدۆخەکە جۆرێکە کە ژنەکان رۆڵی میحوەریان هەیە لە کارەکاندا.

 

 

فەریبا نادری: باشە، ئێستا ناوەکانیان لەبیرم نییە، بەڵام دەتوانم بۆتان باس بکەم. ئێمە زۆر لەو کوردانەمان هەن، ئەوانەی لە ئێران دەژین، یان ئەوانەی کۆچیان کردووە بۆ ئێرە، هەروەها کوردەکانی عێراق، کە فیلمی باشیان هەیە و زۆر هونەرمەندن. ژمارەی هونەرمەندە کوردەکانمان، ئەوانەی لە ئێرانن و ئەوانەی کە بە هەر هۆیەک کۆچیان کردووەو هاتوونەتە ئێرە، زۆر زۆرن و کەم نین. هەر ئێستاش لەم ڤێستیڤاڵەدا سەرنجراکێشە کاتێک سەیری کەتەلۆگم دەکرد، ناوی زۆر لە کوردانی ئێرانی تێدابوو، لە بەشی دادوەران، لە بەشی کورتەفیلم بەتایبەت ناوەکان زۆر بوون، هەروەها لە فیلمی درێژدا خاتوو بووبانی بەرهەمیان هەیە. کەشێکی زۆر خۆشە.

 

 

فەریبا ناردی: بەڵێ، بێگومان. هەرچەندە ئەمە لە دەستی بەرهەمهێنەردایەو بەرهەمهێنەری ئەو کارەشم خاتوو ستایش، یان نێرگس محەممەدییە.

 

 

فەریبا نادری: رۆڵگێرانم لە فیلمی هاوژینی ستارە، دەرهێنەرەکەی خاتوو محەممەدییە، نێرگسی ئازیزمە. دوای نمایشکردنی لە سینەما ناوخۆییەکانی ئێران، بێگومان بەشداری لە ڤێستیڤاڵە نێودەوڵەتییەکان دەکات.

 

 

فەریبا نادری: ئیدی کێ بێت ئازاری ستایش بدات، من کە مردم ئیتر..

 

 

فەریبا نادری: پەیامم ئەوەیە، ئەوەی کە حەزیان لێیە، ئەوانەی کە حەزیان لە فیلمە و پێیان خۆشە لە فیلمێکدا کار بکەن، زۆرترین داهێنان بەکاربهێنن، یارمەتی لە هەر کەسێک وەربگرن، کە دەتوانێ یارمەتییان بدات بۆ بەرهەمهێنانی بەرهەمێکی هەمیشەیی. لە گەڕان و دروستکردن مەترسن. هەروەک چۆن خۆم کەسێکی ترسنۆک بووم و بە سەختی رۆڵەکانم هەڵدەبژارد و کاتێک هەڵبژاردنێکم لە دەرەوەی خەیاڵم کرد، خەڵاتم بەدەستهێنا. ئازارم چەشت، کارێکی لەرادەبەدەر قورس بوو. دڵنیام، کوردی زۆر هونەرمەندمان هەیە، با لە سنوردارییەکان و لە هیچ شتێکی دیکە نەترسن. با هەوڵ بدەن و خۆیان بە جیهان بناسێنن.