پسپۆڕێکی دەروونی: دۆخی دەروونیی هاونیشتمانییانی رۆژئاوای کوردستان خراپە

 

ئەمڕۆ 1-2-2026 د. مەحموود بەدرخان پسپۆڕێکی دەروونی هۆکاری سەرەکیی خراپیی باری دەروونیی هاونیشتمانییانی بۆ زۆریی کۆچکردن گەڕاندەوە و گوتی، "هەندێک هاونیشتمانی هەن 2 بۆ 3 جار لە ژیانیاندا کۆچیان کردووە."

 

بە گوتەی د. مەحموود بەدرخان، نەخۆشییە دەروونییەکانی وەک تەنگژەی دەروونی، قەلەقیی بەردەوام و دڵەڕاوکێ لەنێو خەڵکدا زیادیان کردووە، هەروەها ئاماژەی بەوەشکرد شەڕکردن وایکردووە خەو لەنێو هاونیشتمانییان کەم ببێتەوە و ترسی بەردەوامیان هەبێت.

 

د. مەحموود بەدرخان، ئەوەشی خستەڕوو کە نەخۆشییە دەروونییەکان لەنێو منداڵانی رۆژئاوای کوردستانیشدا بە رێژەیەکی بەرچاو زیادیان کردووە.