بەرپرسێکی کەرتی تەندروستیی تاران: کێشەی دەرمانمان نییە

 

 

بەهمەن سەبوور، جێگری بەڕێوەبەری سیستمی پزیشکیی پارێزگای تاران ئاماژەی بەوە کرد، چەندین کارگەی جیاواز لە بواری بەرهەمهێنانی دەرمانی پێویستدا کار دەکەن و هیچ کێشەیەکیان لە بەرهەمهێناندا نییە.

 

سەبوور هێرشکردنە سەر ناوەندە تەندروستییەکانی وڵاتەکەی لە لایەن ئەمریکا و ئیسرائیلەوە سەرکۆنە دەکات و دەڵێت، "بەپێی یاسا راشکاوەکانی رێکخراوی تەندروستیی جیهانی و نەتەوە یەکگرتووەکان، هێرشکردنە سەر ناوەندە تەندروستی و دەرمانسازییەکان بە رەهایی قەدەغەیە، بەڵام دوژمنی زایۆنی و ئەمریکی گوێیان بەم یاسایانە نەداوە و ئەو کارەیان کردووە."

 

سەبارەت بە دابینکردنی دەرمان لە بازاڕەکانیشدا، ئەو بەرپرسەی کەرتی تەندروستیی تاران دەڵێت، "هێڵەکانی بەرهەمهێنان چالاکن و جگە لە دەرمانخانە شەو و رۆژییەکان، دەرمانخانە هەڵبژێردراو و رۆژانەکانیش کراوەن و خزمەتگوزارییەکانیان بەردەوامە."