بەڕێوەبەری گشتیی بەڕێوەبردنی قەیرانەکان لە پارێزگای تەورێزی ئێران رایگەیاند، لە سەرەتای جەنگەوە تاوەکو ئێستا 162 کەس لەو پارێزگایە بەهۆی هێرشەکانەوە گیانیان لەدەستداوە و هەزار و 246 کەسی دیکەش بریندار بوون
گوتەبێژی شارەوانیی تاران رایگەیاند، بەهۆی دۆخی تایبەتی جەنگەوە بڕیاریانداوە خزمەتگوزارییەکان بۆ دانیشتووانی شارەکە زیاد بکەن، دەشڵێت، تاوەکو کۆتایی جەنگ گواستنەوەی گشتی لە تاران بەخۆراییە
بەڕێوەبەری لیژنەی چاودێریی کۆمەڵەی مانگی سووری ئێران رایگەیاند، لە سەرەتای جەنگەوە تاوەکو ئێستا تیمەکانیان توانیویانە زیاتر لە 680 کەس لەژێر داروپەردووی باڵەخانە رووخاوەکاندا رزگار بکەن، نزیکەی نیوەیان منداڵ و مێردمنداڵن.
نوێنەری رێبەری کۆماری ئیسلامیی ئێران لە ئەنجوومەنی باڵای بەرگریی ئەو وڵاتە، پەیامێکی هەڕەشەئامێز ئاراستەی واشنتن دەکات و دەڵێ، ساڵانێکی زۆرە چاوەڕێی هاتنی سەربازانی ئەمریکان بۆ "خاڵە دیاریکراوەکان" و ئێستا کاتی ئەوە هاتووە "نزیکتر ببنەوە."
موحسین رەزایی لە پەیامێکدا هۆشداری دەدات لە گەڕانەوە بۆ ناکۆکییەکانی پێش سەردەمی شەڕ و رایدەگەیێنێت، پێویستە ئەو "برایەتی و یەکڕیزییەی" ئێستا لە وڵات دروستبووە، وەک دەستکەوتێکی نیشتمانی بپارێزرێن
هێرش و بۆردوومانەکانی سەر ئێران و رۆژهەڵاتی کوردستان بە شەو و رۆژ بەردەوامن. تاران زۆرترین هێرشی لەسەرە و چەندین باڵەخانەی نیشتەجێبوون لەو شارە کراونەتە ئامانج؛ بەڕێوەبەری کۆمەڵەی مانگی سووری ئێرانیش رایدەگەیێنێت، لە سەرەتای هێرشەکانەوە تاوەکو ئێستا زیاتر لە 81 هەزار یەکەی مەدەنی زیانیان بەرکەوتووە.
عەلائەدین بروجێردی، ئەندامی لیژنەی ئاسایشی نیشتمانی و سیاسەتی دەرەوە لە پەرلەمانی ئێران رایگەیاند، هێرشەکانی ئێران بۆ سەر شاری دیمۆنای ئیسرائیل و پەکخستنی سیستەمە رادارییەکان، وەرچەرخانێکی گەورەیە لە جەنگدا و دەڵێت: "بە هێرشکردنە سەر دیمۆنا لاپەڕەیەکی نوێ لە گۆڕینی هاوکێشەی هێز هەڵدراویەوە."
فەرماندەی هێزی ئاسمانیی سوپای پاسدارانی ئێران، پەیامێکی توند ئاراستەی ئیسرائیل دەکات و دەڵێت، "باڵادەستیی مووشەکیی ئێران" بەسەر ئاسمانی ئیسرائیل دا دەستیپێکردووە.
قەرارگەی ناوەندیی خاتەمولئەنبیای ئێران هۆشدارییەکی تووند دەداتە ئەمریکا و ئیسرائیل و رایدەگەیێنێت، هەر هێرشێک بۆ سەر ژێرخانی وزەی وڵاتەکەی، وەڵامێکی "سەخت"ی دەبێت و دامەزراوە ستراتیژییەکانی ئەوان لە ناوچەکەدا دەکرێنە ئامانج
