تەندروستیی هەولێر: 306 پزیشکی نوێی خولاو لە ناوەندە تەندروستییەکان دەستبەکاربوون

 

ئەمڕۆ چوارشەممە 1-10-2025 دکتۆر شکۆ شێرکۆ، نوێنەری پزیشکانی خولاوی تازەدامەزراو لە هەولێر بە رووداوی راگەیاند، تەنیا لە هەولێر ژمارەیان 306 کەسە و لە سلێمانی بە گەرمیانیشەوە نزیکەی 300 پزیشک پێکدەهێنن.

 

دکتۆر شکۆ شێرکۆ دەڵێت: ئەمڕۆ لە فریاکەوتنەکان، قاوشەکانی نەشتەرگەری و قاوشەکانی بەشی هەناوی دەستمان بە دەوام کردووە.

 

گوتیشی، پزیشکانی تازەدامەزراو لە دهۆک، کۆیە و زاخۆ لە 15ـی مانگی رابردووەوە دەوامیان دەستیپێکردووە، بەڵام بەهۆی رێکارە ئیدارییەکانەوە دواکەوت.