پسپۆڕێک هۆکارەکانی زیادبوونی چرچولۆچیی پێست باس دەکات؛ جگەرەکێشان یەکێکیانە

 

د. کوردە فەرەیدوون، پسپۆڕی نەخۆشییەکانی پێست و جوانکاری بە رووداوی راگەیاند، نابێت زێدەڕۆیی لە کاری جوانکاریدا بکرێت، چونکە هۆکارێکە بۆ دەرکەوتنی روخساری کەسەکە بشێوێت و تەمەنێکی زۆرتری پێوە دیار بێت.

 

بەگوتەی ئەو پسپۆڕە، جگەرە، نێرگەلە و ڤەیکێشان هاوتای خواردنی خۆراکە خێراکان و شیرینییەکان رۆڵیان هەیە لە زووچرچبوونی پێست.

 

 

 

د. کوردە فەرەیدوون: مەرج نییە دەرکەوتنی چرچولۆچی پەیوەندیی بە بەساڵداچوونەوە هەبێت، ئەمە زیاتر پەیوەندیی بە هۆکاری بۆماوەیی و شێوازی ژیانی کەسەکە هەیە، لە دوای 25 ساڵیدا 1٪ رێژەی کۆلاجینی پێست کەم دەبێتەوە و بەرە بەرە پێست چرچر دەبێت.

 

 

د. کوردە فەرەیدوون: چەند هۆکارێک هەن بۆ زیادبوونی چرچولۆچیی پێست، دەشکرێت رێگری لەمانە بکرێت بۆ رێگری لە زووچرچبوونی پێست وەکو؛

 

- گوشاری دەروونی و دڵەڕاوکێ

- بەرکەوتنی زۆر بە تیشکی خۆر

- بەکارنەهێنانی دژەخۆر

- جگەرە، نێرگەلە و ڤەیکێشان

- خواردنەوەی کحول

- خواردنی خۆراکە خێراکان و شیرینییەکان

- بۆماوەیی

 

 

د. کوردە فەرەیدوون: چەند خۆراکێک هەن کە چرچولۆچبوونی پێست دوادەخەن وەکو؛

 

- خواردنی سەوزە و میوەکان

- خۆراکی دەوڵەمەند بە ڤیتامین و دژەئۆکسێنەرەکان

- خواردنی ماسی و خۆراکە دەوڵەمەندەکان بە ئۆمێگا سێ

 

 

د. کوردە فەرەیدوون: ئەوان پێستیان چرچولۆچی تێدایە، بەڵام گرنگەکە ئەوەیە کە بە شێوەیەکی سرووشتی دەیکەن و جوانکارییەک دەکەن کە لەگەڵ تەمەنیان بگونجێت و زۆر پێوەیان دیار نەبێت.

 

 

د. کوردە فەرەیدوون: پێویستە هاونیشتمانییان رۆتینێکی گونجاوی پێستیان هەبێت ئەویش بە پاککردنەوەی دروستی پێست و بەکارهێنانی دژەخۆر لە هاوین و زستانیشدا، بەکارهێنانی شێدارکەرەوەش بۆ پێستی وشک، پاشانیش ئەو کرێمانە زیاتر بەکاربێت کە مادەی ریتینۆڵیان تێدایە، ئەگەریش فیلەر و بۆتۆکس پێویست بێت بۆ لابردنی چرچولۆچیی پێست، بە شێوەیەکی گونجاو بێت و لەلایەن پزیشکی پسپۆڕ بێت، بۆیە نابێت زێدەڕۆیی لە کاری جوانکاریدا بکرێت، چونکە هۆکارێکە بۆ دەرکەوتنی روخساری کەسەکە بشێوێت و تەمەنێکی زۆرتری پێوە دیار بێت.