جۆرێکی شێرپەنجە ساڵانە ملیۆنێک و 370 هەزار کەس دەکوژێت

 

توێژینەوەیەکی گۆڤاری لانسێت ئاشکرای دەکات، تووشبووانی شێرپەنجەی جگەر تاوەکو 25 ساڵی دیکە، دوو هێندە دەبێت و رەنگە بگاتە ملیۆنێک و 500 هەزار تووشبوو و ملیۆنێک و 370 هەزار گیانلەدەستدان لە ساڵێکدا.

 

د. ئەحمەد کالەبی، پسپۆڕی نەخۆشیزانی لە کینیا دەڵێت: ''ئێمە رۆژانە دەبینین کە ژمارەی ئەو حاڵەتانەی کە بە بێ نیشانە شێرپەنجەیان لێدەستنیشان دەکرێت زیاد بووە، لە ئەنجامی ئەوەی کە دێن بۆ پشکنینی پێشوەختە و تەندروستییان، پێویستە هۆشیاریی تەندروستی زۆر زیاتر بکەین بۆ ئەوەی خەڵک پشکنینی پێشوەختە بکەن و شێوازی ژیانیان بگۆڕن. ئەگەر نەیکەین، باجێکی گەورە لە داهاتوودا دەدەن''.

 

ئەوانەی زۆرتر ئەگەری تووشبوونیش زیاد دەکەن ئەمانەن؛ 'خواردنەوەی کحول، کۆبوونەوەی چەوریی جگەر و تووشبوون بە ڤایرۆسەکانی هەوکردنی جگەر'.

 

پڕۆفیسۆر هاشم ئەلسیراج، پسپۆڕی نەخۆشییەکانی جگەر دەڵێت: ''هەژمارکردنی شێرپەنجەی جگەر وەکو کێشەیەکی جیهانی پێموانییە گەیشتبێتە ئاستی مەترسیی تەندروستیی گشتی وەکو شێرپەنجەکانی کۆڵۆن و سییەکان، بەڵام ئەم راپۆرتە نوێیە ئاماژەیەکی مەترسیدار و بارگرانی تاوەکو ساڵی 2050 دەردەخات کە تووشبووانی ساڵانە شێرپەنجەکە بگاتە زیاتر لە ملیۆنێک''.

 

لە جیهاندا شێرپەنجەی جگەر شەشەمین شێرپەنجەی باوە و سێیەمین هۆکاری گیانلەدەستدانە بە شێرپەنجەکان.