چارەسەرکارێکی دەروونی: خانمان زیاتر تووشی خەمۆکیی وەرزی دەبن

 

ئەمڕۆ یەکشەممە 4-1-2026 توانا ئەمین، چارەسەرکاری دەروونی لە بووڵتەنی تەندروستیدا رایگەیاند، لەگەڵ گۆڕانکاری لە کەشوهەوادا دەکرێت گۆڕانکاریی دەروونیش رووبدات و هۆکار بێت بۆ خەمۆکی وەرزی.

 

توانا ئەمین روونی دەکاتەوە، خەمۆکیی وەرزیی نەخۆشییەکی دەروونییە و لە سەرەتای زستان و کۆتایی پاییزدا پەیدا دەبێت، زۆرجار هۆکارەکەی کەمبوونەوەی تیشکی خۆر و کورتبوونەوەی رۆژە.

 

نیشانەکانیش باس دەکات کە بێهێزی، بێتاقەتی، زۆرخەوی، خەواڵوویی و کەمخۆری نیشانە باوەکانن.

 

ئەو چارەسەرکارە دەروونییە ئەوەش باس دەکات، خانمان چوار ئەوەندە زیاتر تووشی خەمۆکیی وەرزی دەبن.