پزیشکێک: ددانەکان پیس بن و نەشۆردرێن، شەکرە و پەستانی خوێن بەرز دەبنەوە

 

دکتۆر هاوناز عەبدوڵڵا، پزیشکی نەخۆشییەکانی دەم و ددان ئاماژە بەم لێکەوتانەی نەشۆردنی دەم و ددان دەدات وەکو؛

 

1- بڵاوبوونەوەی بەکتریاکان بۆ نێو سووڕی خوێن؛ لەکاتی هەوکردنی پووک بەکتریاکان دەتوانن بگوازرێنەوە بۆ نێو سووڕی خوێن و بگەنە دڵ کە دەکرێت هۆکار بن بۆ هەوکردنی پەردەی نێوەوەی دڵ کە حاڵەتێکی لەناکاوی پزیشکییە و پێویستیی بە چارەسەری خێرایە.

 

2- زیادبوونی هەوکردن لە جەستەدا؛ ئەمەش دەبێتە هۆی تووشبوون بەنەخۆشییەکانی دڵ.

 

3- زیادبوونی مەترسییەکانی تووشبوون بە جەڵتەی دڵ؛ بەپێی توێژینەوەکان ئەو کەسانەی هەوکردنی درێژخایەنی پووک و شانەکانی چواردەوری ددانیان هەیە مەترسیی تووشبوونیان بە جەڵتەی دڵ زیاترە.

 

4- کاریگەریی لەسەر پەستانی خوێن و شەکرەی خوێن؛ هەوکردنی دەم و ددان دەتوانێ پەستانی خوێن بەرز بکات و کۆنتڕۆڵکردنی شەکرەش خاوتر بکاتەوە. 

 

 

- پاککردنەوە و شووشتنی ددان رۆژانە دووجار.

- بەکارهێنانی دەزووی پاککردنەوەی نێوان ددانەکان.

- چارەسەری هەوکردنی پووک لەلایەن پزیشکی ددان.

- هەموو شەش مانگ جارێک سەردانی پزیشکی ددان بکرێت بۆ پشکنینی دەم و ددان.

- کۆنتڕۆڵکردنی شەکر و پەستانی خوێن.