لە ئەمریکا خانمێک وەرزشی تایکواندۆ بۆ دابەزاندنی کێشی دەکات

 

خانمێک بە ناوی سارا ئەلبەسری، لە کالیفۆڕنیا دەژی و لەڕێگەی وەرزشی تایکواندۆوە توانیویەتی نزیکەی 16 کیلۆگرام لە کێشی داببەزێنێت.

 

ئەم خانمە دەڵێت: لەو کاتەی ئەم وەرزشەی دەستپێکردووە، هەستدەکات گەنجبۆتەوە و تەندروستیی باشترە.

 

سارا دەڵێت: پێشتر هەوڵی داوە بە رێژیم و دەنکۆڵەی کێشدابەزاندن کێشی داببەزێنێت، بەڵام ئەوانە سەرکەوتوو نەبوون، بۆیە ئەمجارە تەنیا وەرزشی کردووە و کێشی لە 84 کیلۆگرامەوە کردووە بە 68 کیلۆگرام.

 

ئەم خانمە بەردەوامە لە وەرزشەکەی و لە تۆڕە کۆمەڵایەتییەکانی هانی هاوڕێکانی دەدات کە بە وەرزش کێشیان کەمبکەنەوە و هەمیشەش چالاکبن.