لقی هەولێری سەندیکای کارمەندانی تەندروستی: داوا دەکەین مامانەکان دابمەزرێندرێن

 

ئەمڕۆ دووشەممە 5-5-2025 شاخەوان سەلیم، سەرۆکی لقی هەولێری سەندیکای کارمەندانی تەندروستی بە رووداوی گوت، ژمارەی مامان لە نەخۆشخانە گشتییەکانی هەولێر کەمە و کێشەی کەمیی رێژەی کارمەندانی مامان لەنێو نەخۆشخانە حکومییەکان هەیە.

 

شاخەوان سەلیم دەڵێت: داوا دەکەین مامانی زیاتر دابمەزرێندرێن و کارکردن لە بواری پەرستاریدا خۆبژێوی دابین دەکات.

 

ئەو روونی دەکاتەوە، پەرستاران دەتوانن خۆبژێوی بە پیشەکەیانەوە بکەن، بەڵان پێویستە پاڵپشتی بکرێن و ئاسانکارییان بۆ بکرێت.

 

لە کۆتاییدا ئەوەش ئاشکرا دەکات، 450 بۆ 470 مامان لە لقەکەیان تۆمارکراون کە پێشبینیش دەکرێت، دوو ئەوەندەی ئەو ژمارەیە مامان هەبن، بەڵام تۆمار نەکرابن.