ئێران؛ ئۆتۆمبێلێکی فریاگوزاری لە هێرشێکدا تێکشکێندرا

 

کۆمەڵەی مانگی سووری ئێران ئاماژە بەوەدەکات رووداوەکە کاژێر 5:00ـی بەرەبەیانی روویداوە، کاتێک تیمێکی فریاگوزاریی مانگی سوور لە شارۆچکەی سپیدان بۆ ئەرکێکی بەهاناوەچوون رەوانەی ناوچەی کمهر کرابوون، تیمە تەندروستییەکە دوای بینینی فڕۆکە جەنگییەکە، ئۆتۆمبێلەکەیان بەجێهێشتووە و زیانیان پێنەگەیشتووە.

 

کۆمەڵەی مانگی سووری ئێران، رووداوەکە بە تاوانێکی جەنگی ناودەبات و دەڵێت، بەپێی رێککەوتننامەکانی جنێڤ نابێت هێرش بکرێتە سەر ئۆتۆمبێلی فریاکەوتن و تیمە تەندروستییەکان، تەنانەت ئەگەر نەخۆش یان برینداریشیان تێدا نەبێت.

 

بەگوێرەی ئامارەکانی کۆمەڵەکە، تاوەکو ئێستا 47 ئۆتۆمبێلی فریاکەوتنی مانگی سوور و فریاگوزاریی خێرا زیانیان بەرکەوتووە و چوار کارمەندی تەندروستیش گیانیان لەدەستداوە.