11 رێگەی کاریگەری پێشگیریکردن لە پەتا وەرزییەکان بزانە

 

دەزگای ئاسایشی تەندروستیی بەریتانیا رایدەگەیێنێت، ژمارەی تووشبووانی پەتاکان لەنێو منداڵ و بەساڵاچوواندا بەرز بووەتەوە، دەزگاکە داوا لە خەڵکیش دەکات، ڤاکسینی ئەنفلەوەنزا وەربگرن.

 

بەپێی د. سوزانا ماکدۆناڵد، سەرپەرشتیاری رووبەڕووبوونەوەی ئەنفلەوەنزا لە دەزگاکە دەڵێت، ساڵی رابردوو هەشت هەزار تووشبووی ئەنفلەوەنزا گیانیان لەدەستداوە و نیگەرانن لە زوودەستپێکردنی ماوەی بڵاوبوونەوەی پەتا وەرزییەکان.

 

 

1- شووشتنی دەستەکان بەمەرجێک زیاتر بێت لە 20 چرکە.

2- بەکارهێنانی مادەی پاکژکەرەوە بۆ سەر مێز و کەلوپەلەکانی دەوروبەرت.

3- بایەخ بە خواردنی سەوزە و میوەکان بدە بەتایبەت مزرەمەنییەکان.

4- رۆژانە ئاوی پێویست بخۆرەوە.

5- نزیک مەکەورەوە لە کەسی تووشبوو.

6- کەسانی تووشبوو لەکاتی کۆکە و پژمە کلێنکس بەکاربهێنن.

7- دوورکەوتنەوە لە شوێنی قەرەباڵخ.

8- هەواگۆڕکێ لەنێو ماڵدا هەبێت.

9- کوتان بە ڤاکسینی ئەنفلەوەنزای وەرزی.

10-  دەرزیی تێکەڵە بەکارمەهێنە، چونکە بەرگریی جەستە لاواز دەکات.

11- بە ئاوی شلەتێن یاخود سارد خۆتبشۆ، چونکە بەرگریی جەستە بەهێز دەکات.

 

نەک تەنیا بەریتانیا، بەڵکو (ئەمریکا، سوێد، کەنەدا، دانیمارک، هەنگاریا، چین و ژاپۆن) پەتاکانیان زۆر بەخێرایی تێدا بڵاو بووەتەوە.