پسپۆڕێک رێنوێنیی گرنگ بۆ پاراستنی تەندروستیی خانمانی دووگیان لەکاتی جەنگدا دەخاتەڕوو

 

ئەمڕۆ شەممە 7-3-2026 د. فەوزییە ئابام، پسپۆڕی نەخۆشییەکانی خانمان و منداڵبوون کە بوڵتەنی تەندروستی رایگەیاند "ئەو خانمانەی پادی تەندروستییان دەست ناکەوێت، دەتوانن پارچە قوماشی خاوێن لە جلەکانیان دروست بکەن و هەر 3 بۆ 4 کاژێر جارێک بیگۆڕن."

 

د. فەوزییە ئابام رێنوێنی دەدات کە شێوازی خاوێنکردنەوەی کۆئەندامی زاوزێ دەبێت لە پێشەوە بۆ دواوە بێت، بۆ ئەوەی لە گواستنەوەی بەکتریا و تووشبوون بە هەوکردن دووربن، ئاماژە بەوەدەکات، "لە کاتێکدا خانمێک هەستی کرد جلی ژێرەوەی تەڕ بووە، پێویستە راستەوخۆ بیگۆڕێت و پارچە پەڕۆکە بە باشی بشوات و لەبەر تیشکی خۆر دایبنێت تاوەکو بە تەواوی وشک دەبێتەوە و میکرۆبەکانی لەناو دەچن."

 

د. فەوزییە ئابام جەختی کردەوە پێویستە خانمانی دووگیان رۆژانە بڕێکی زۆر ئاو بخۆنەوە، چونکە خواردنەوەی ئاو یارمەتیی زیادبوونی رێژەی میز دەدات و ئەمەش یارمەتیدەرە بۆ پاککردنەوەی رێڕەوی میز و کەمکردنەوەی مەترسیی تووشبوون بە هەوکردن.

 

 

-  خوێنبەربوون

-  هاتنەخوارەوەی ئاوێکی زۆر لە زێ

- ئاوسانی لەناکاو لە جەستەدا، بەتایبەتی ئەگەر ئازاری دڵ و رشانەوەی لەگەڵدا بوو

-   رەقبوونی سک

 

 

-  چەند پارچە پەڕۆیەکی خاوێن یان پادی تەندروستی

-  خۆراکی پێویست و وزەبەخش وەک گوێز و بادەم

-  فایلی پزیشکی کە زانیارییەکانی ماوەی دووگیانییەکەی تێدایە

- پارچە کاخەزێک کە گرووپی خوێن و هەفتەی دووگیانییەکەی لەسەر نووسرابێت