WHO داوا دەکات پاڵپشتیی دایکانی شیردەر بکرێت
رووداو - تەندروستی
رێکخراوی تەندروستیی جیهانی (WHO) و یونیسێف داوا لە وڵاتان دەکەن کە وەبەرهێنانی زیاتر لە سیستمی تەندروستی و پاڵپشتیکردنی دایکانی شیردەردا بکەن، بۆ دڵنیابوون لە تەندروستی، گەشە و مانەوەی منداڵان لە قۆناخەکانی سەرەتای ژیانیاندا.
لە راگەیێندراوێکی هاوبەشدا، د. تێدرۆس ئەدهانۆم، سەرۆکی رێکخراوی تەندروستیی جیهانی و کاترین راسڵ، بەڕێوەبەری جێبەجێکاری یونیسێف، جەختیان لەوە کردەوە کە شیرپێدانی سرووشتی یەکێکە لە کاریگەرترین رێگەکان بۆ پاراستنی تەندروستیی منداڵ. شیری دایک وەک یەکەم ڤاکسین کاردەکات و منداڵ لە نەخۆشییەکانی وەک سکچوون و هەوکردنی سییەکان دەپارێزێت.
سەرەڕای گرنگییەکەی، ئامارەکان نیشان دەدەن کە تەنیا 48٪ی منداڵانی خوار تەمەنی شەش مانگ بەتەنیا شیری دایک وەردەگرن، کە ئەم رێژەیە زۆر لە خوار ئامانجی دیاریکراوی کۆمەڵەی تەندروستیی جیهانییەوەیە. هۆکاری ئەمەش دەگەڕێتەوە بۆ ئەو ئاستەنگییە زۆرانەی رووبەڕووی دایکان، کارمەندانی تەندروستی و سیستمە تەندروستییەکان دەبنەوە.
لە کۆتاییدا، هەردوو رێکخراوەکە جەخت دەکەنەوە"بەهێزکردنی سیستمە تەندروستییەکان بۆ پاڵپشتیکردنی شیرپێدان تەنها پێویستییەکی تەندروستی نییە، بەڵکو پێویستییەکی ئەخلاقی و ئابووریشە."