پزیشکێک لە رۆژی جیهانیی خانمان: کچانی گەنج بەهۆی نەخۆشییەکی باو لە مەترسیی نەزۆکبووندان

 

د. شناو هەورامی، پسپۆڕی نەخۆشی و نەشتەرگەرییەکانی خانمان و منداڵبوون پیرۆزبایی لە خانمان دەکات و دەڵێ، بەهیوام هەمیشە تەندروست بن، بەڵام هەر ئەمڕۆ یەکشەممە 8-3-2026 ئەوەی بە رووداو راگەیاند، فرەکیسی هێلکەدان بووەتە حاڵەتێکی باو لەنێو کچانی گەنج و کێشەی جیدی هەر لە تێکچوونی سووڕی مانگانەوە تاوەکو نەزۆکی دروستکردووە.

 

د. شناو هەورامی ئاشكرای دەکات، فرەکیسی هێلکەدان بەهۆی خۆراکی ناتەندروست و کەمیی جووڵەوە دروستدەبێت و ئێستا بەشێکی زۆری کچان هەیانە.

 

ئەو گوتی، کچانی لەدایکبووی دوای 2000ـەکان زۆرترین ئەوانەن کە نەخۆشییەکەیان هەیە و دیارترین نیشانەش ناڕێکیی سووڕی مانگانەیە، چونکە هۆڕمۆنەکانیان تێکدەچێت. ئەگەری بە زوویی چارەسەر نەکرێت، رەنگە درێژمەودا ببێتە هۆی نەزۆکی یاخود ئەو خانمە بە زەحمەت وەچە بخاتەوە.

 

 

* نارێکی سووڕی مانگانە

* دەرکەوتنی زیپکە

* زیادبوونی کێش 

* تێکچوونی دەروون

* زۆربوونی مووەکانی جەستە و رووخسار

 

 

* کێشدابەزاندن

* دوورکەوتنەوە لە خواردنە خێراکان 

* خواردنی سەوزە و میوە