کۆمەڵەی دەرمانسازانی ئێران: بەهۆی پیسبوونی هەواوە 50٪ بەکارهێنانی دەرمان زیاد بووە

 

دکتۆر یەدوڵڵا سوهرابی، پزیشکی دەرمانساز و ئەندامی کۆمەڵەی دەرمانسازانی ئێران رایگەیاند، پیسبوونی هەوا لە وڵاتەکە بووەتە کێشەیەکی سەرەکی و چەندان لێکەوتەی مەترسیداری لەسەر تەندروستیی هاووڵاتییان بەجێهێشتووە، بەتایبەت زۆربەکارهێنانی دەرمان و زیادبوونی رێژەی نەخۆشییەکان.

 

ئەو ئەندامەی کۆمەڵەی دەرمانسازانی ئێران دەڵێت: تەنۆلکە پیسکەرەکانی هەوا کە قەبارەیان (2.5PM بۆ 10PM)ـە دەشێت لەڕێگەی هەناسەدانەوە تێکەڵ بە خوێن و جەستەی مرۆڤ ببن و چەندان نەخۆشیی وەکو (هەوکردنی بۆڕیی سییەکان، نەخۆشییەکانی دڵ و لوولەکانی خوێن، رەبۆ، تێکچوونی مێشک، لەبیرچوونەوە و شێرپەنجە) دروستبکەن.

 

کۆمەڵەکە ئاماژە بە توێژینەوەیەکی نێوخۆیی وڵاتەکە دەکات کە دەرکەوتووە، ''رێژەی پیسبوونی هەوا لە ئێران لە دۆخی مەترسیداردایە، هەر ئەمەش وایکردووە؛ بەکارهێنانی دەرمانی نەخۆشییەکانی کۆئەندامی هەناسەدان و دڵ 30٪ بۆ 50٪ زیاد ببن''.

 

جگە لەمانەش لیژنەی بەدواداچوونی دەرمان لە دەزگای خۆراک و دەرمانی ئێران ئاشکرای کردووە، پیسبوونی هەوا گوشاری دارایی لەسەر خێزانەکانیش دروستکردووە، بەهۆی جەرجکردنی پارەی زیاتر بە دەرمان و چارەسەری پزیشکی.

 

 

ئەو دەنکۆڵە هەرە وردانەن کە لە هەوای پیسبووی شارەکاندا هەن و تیرەیان کەمتر لە 2.5 مایکرۆ مەترە و لە زانستدا بە PM 2.5 ناسراون. زیاتر لە دووکەڵی ئۆتۆمبێل، موەلیدە، کارگەکان و سووتاندنی دارەوە دەردەچن.

 

 

- هەوکردنی سییەکان 

- نەخۆشییەکانی دڵ و لوولەکانی خوێن 

- لەبارچوونی منداڵ  

- پێنەگەیشتنی سییەکانی کۆرپە 

- هەستیاری 

- لاوازبوونی توانای سێکسی 

- نەخۆشییەکانی گورچیلە 

- نەخۆشییەکانی جگەر  

- مردنی لەناکاو  

- شێرپەنجە