پسپۆڕێک: کچانی ئێستا بەهۆی ئەوەی بە ناتەندروستی دەژین، زووتر سووڕی مانگانەیان دەستپێدەکات

 

ئەمڕۆ شەممە 9-8-2025 د. نیان سەرتیپ، پسپۆڕی نەخۆشییەکانی خانمان و منداڵبوون لە بووڵتەنی تەندروستیدا باسی ئەو نیشانانە دەکات کە خانمان دوای وەستانی هەمیشەیی سووڕی مانگانە تووشیان دەبێت وەکو؛

 

- دڵەڕاوکێ و راڕایی

- کەمخەوی

- کەمبوونەوەی متمانەبەخۆبوون

- ئارەقکردنەوەی زۆر

- ئازاری ماسوولکە و جومگەکان

- وشکبوونەوەی پێست

- وشکبوونەوە و خورانی کۆئەندامی زاوزێ

 

لەبارەی چارەسەری ئەو نیشانانەی خانمانی سەروو 50 ساڵان گوتی، پاڵپشتیی دەروونیان و پەیڕەوکردنی شێوازی ژیانی تەندروست دەکرێت هاوکاربن لە کەمکردنەوەی نیشانەکان.

 

د. نیان سەرتیپ دەڵێت: بەهۆی زیادخواردنی خۆراکە خێراکان و خەوی زۆرەوە دەشێت کچان زووتر لەماوەی ئاسایی خۆیان، سووڕی مانگانەیان دەستپێبکات.