کلینیکاست، وەرزی نوێی پۆدکاستە تەندروستییەکەی رووداو دەستپێدەکات

 

پۆدکاستی کلینیکاست هەموو رۆژانی دووشەممە کاژێر 19:00 بە کاتی هەولێر پێشکێشدەکرێت و هەمان کات لە پەیجی فەیسبووکی رووداوی تەندروستی و رادیۆی رووداو بە شێوەی راستەوخۆ دادەنرێت.

 

د. هونەر رێبوار، پێشکێشکاری پۆدکاستەکە دەڵێت: لەگەڵ هەر بابەت و مژارێکی تەندروستی چەندان هۆشیاری و بابەتی جیدی تەندروستی باس دەکرێن کە تیایدا بینەر و گوێگر خۆیانی تێدا بدۆزنەوە.

 

د. هونەر رێبوار دەشڵێت، کەیس و چیرۆکی نەخۆشەکان باس دەکرێن و روونکردنەوە لەلایەن ئەو پسپۆڕانەوە دەدرێت کە چارەسەریان کردوون تاوەکو دووبارە کەسی دیکە دووچاریان نەبێت و ئەگەریش تووشیان بوون، بە باشی کۆنتڕۆڵی بکەن.

 

کلینیکاست، پۆدکاستێکی تەندروستیی گشتییە، چیرۆکەکانی نەخۆشخانە و گرفتە تەندروستییەکانی کۆمەڵگە دەخاتەڕوو،  لەڕێگەی میوانی تایبەتمەندەوە هەرجارەو باسی کێشەیەکی تەندروستی دەکات و چارەسەرییەکانی روون دەکاتەوە. ئەم پۆدکاستە هەفتانە د. هونەر رێبوار پێشکێشی دەکات کە خۆشی پسپۆڕی پزیشکیی فریاکەوتنە.