لە بەریتانیا بۆ یەکەمجار خوێنی دەستکرد بۆ مرۆڤ تاقیدەکرێتەوە

 

 

خرۆکە سوورە دەستکردەکانی خوێن بۆ دوو کەس گواستراوەتەوە، بەجۆرێک 5 تاوەکو 10 ملیلیتر خوێنیان وەرگرتووە و لەلایەن چەندین رێکخراو و زانکۆی تەندروستیی بەریتانیاوە چاودێری دەکرێن.

 

دکتۆر ئاشلی تۆی، لە زانکۆی بریستۆڵی بەریتانی دەڵێت: ''دروستکردنی خانەکانی خوێن هەنگاوێکی گەورەیە، بەڵام دەبێت بزانین خانەکان تا چەند توانای مانەوەیان هەیە و دەبێت چاوەڕوانی کۆتایی تاقیکردنەوەکە بکەین.''

 

پرۆفیسۆر کێدریک چیڤێرت، راوێژکاری نەخۆشییەکانی خوێن لە زانکۆی کامبریچ دەڵێت: ''هیوادارین خڕۆکە سوورەکانی خوێنی دەستکرد زیاتر بمێننەوە لە خوێنی ئاسایی.''

 

پرۆفیسۆر کێدریک سەبارەت بە گرنگی تاقیکردنەوەکە دەڵێت: ''ئەگەر سەلمێندرا ئەنجامەکان ئەرێنی و کاریگەرن، ئەوا خوێنی دەستکرد شۆڕشێکی گەورەی پزیشکی بەرپا دەکات لە چارەسەرکردنی ئەو کەسانەی  گیرۆدەی نەخۆشییەکانی خوێنن بە تایبەت تووشبووانی تالاسیمیا.''