پزیشکێکی دەم و ددان: جگە لە پەتی تایبەت، هیچ شتێکی دیکە بۆ پاککردنەوەی نێوان ددانەکان بەکارنەیەت

 

دکتۆر سۆما سادق هەورامی، پزیشکی چارەسەر و نەشتەرگەرییەکانی دەم و ددان بە رووداوی راگەیاند، پاککردنەوەی نێوان ددانەکان بە کەلوپەلی نازانستی و رەق هۆکارێکی لەدەستدانی ددانەکانە و بەشێکی زۆری چارەخوازەکانمان ئەو کێشەیەیان هەیە.

 

 

 

دکتۆر سۆما هەورامی: چیلکەی دار، مادەی پلاستیکی تیژ، کاخەزی تەنک، نایلۆنی عەلاگەکان و زەرفی سەر ئاوە سەفەرییەکان یاخود ئەو داوەی بۆ دروومان بەکاردێت. ئەمانە هەمووی مەترسیدارن و ئەگەری تووشبوون بە هەوکردنی پووک و ددانەکان زیاد دەکەن.

 

 

دکتۆر سۆما هەورامی: پەتی تایبەت بە خاوێنکردنەوەی نێوان ددانەکان یاخود فڵچەی بچووکی خاوێنکردنەوەی نێوان ددانەکان باشترینن.

 

 

دکتۆر سۆما هەورامی: لەنێو منداڵانیش پێویستە پەتی تایبەت بە ددانپاککردنەوە بەکاربێت.

 

 

دکتۆر سۆما هەورامی: دوای هەر نانخواردنێک و پێش خەوتنیش باشترین کاتن کە پێویستە بە پەتی تایبەت نێوان ددانەکان خاوێن بکرێتەوە، هەروەها دەبێت هەموو نێوان ددانەکان پاک بکرێتەوە، نەک تەنیا ئەو ددانانەی کەسەکە هەست دەکات خۆراکیان تێدا بەجێماوە.