توێژینەوەیەک لە ئوسترالیا: میوزیک ئەگەری تووشبوون بە لەبیرچوونەوە لە بەساڵاچوواندا کەم دەکاتەوە

 

توێژینەوەکە لە زانکۆی مێڵبۆرن لە ئوسترالیا لەسەر 10 هەزار و 800 بەساڵاچوو کرا و دەرکەوت، ئەگەر بەساڵاچووان رۆژانە گوێ لە میوزیک بگرن، 35٪ ئەگەری تووشبوونیان بە لەبیرچوونەوە کەمتر دەبێتەوە، لەکاتێکدا ئەوانەی ژەنیارن و ئامێرێکی میوزیک دەژەنن، ئەو رێژەیە بەرز دەبێتەوە بۆ 40٪.

 

توێژینەوەکە لە گۆڤاری  International Journal of Geriatric Psychiatry بڵاو کراوەتەوە و ئیما جافا، سەرپەرشتیاری توێژینەوەکە دەڵێت: میوزیک هاندەرێکی سەرەکییە بۆ باشترکردنەوەی خانەکانی مێشک و چالاککردنیان بەتایبەت لە تەمەنی بەساڵداچووندا. هەرچەندە توێژینەوەکە جۆری میوزیکەکەی دیاری نەکردووە، بەڵام سەرپەرشتیارەکە پێشنیاز دەکات، میوزیکی هێمن و لەسەرخۆ دەکرێت بەسوودتر بێت بۆ ئەوە.

 

بە گوێرەی CDC، هەریەک لە هۆکارەکانی 'خواردنەوەی کحول، کێشانی جگەرە و نێرگەلە، کەمیی ڤیتامین D، شەکرە، نەخۆشییەکانی دڵ، خەمۆکی، قەڵەوی و تەمەن' دەکرێت رۆڵیان هەبێت لە ئەگەری دەرکەوتنی نیشانەکانی لەبیرچوونەوە.

 

 

- خواردنەوەی کحول

- کێشانی جگەرە و نێرگەلە

- کەمیی ڤیتامین D

- شەکرە

- نەخۆشییەکانی دڵ و لوولەکانی خوێن

- خەمۆکی

- قەڵەوی

- بەساڵداچوون