رێکخراوی تەندروستیی جیهانی هۆشداری لەبارەی جۆرێکی چەوری دەدات: دەبێتە هۆی مردن

 

رێکخراوی تەندروستیی جیهانی WHO دەریدەخات، چەوریی گۆڕاو یان Trans Fat لەنێو پەنیرە پێچراوە سوێر و چەورەکان، خۆراکە لەقوتوونراوەکان، خۆراکە سوورەوەکراو و خۆراکە خێراکاندا هەیە و 25٪ ئەگەری نەخۆشییەکانی دڵ و 14٪ مردنی پێشوەختە زیاد دەکات.

 

بەپێی ئەو رێکخراوە، ئەو جۆرە چەورییە هۆکارێکی سەرەکییە بۆ زیادبوونی چەوریی زیانبەخشی LDL و قەڵەوبوون کە ئەمانەش هۆکارن بۆ مردنی پێشوەختە و نەخۆشییە درێژخایەنەکان.

 

 

د. نیگا شەفیق، پسپۆڕی گەشە و نەخۆشییەکانی منداڵان لە بەرنامەیەکی دکتۆر ئاراسدا لەبارەی چەوریی نێو ئەندۆمی گوتی، ئەندۆمی چەورییەکی زیاد لە پێویستی تێدایە کە پێێ دەڵێن، چەوریی گۆڕاو.