کۆمەڵەی پزیشکانی خێزانی: بایەخمان پێبدرێت، گوشاری سەر نەخۆشخانەکان کەمدەبێتەوە

 

ئەمڕۆ چوارشەممە 12-2-2025 د. هێمن جەواد، پسپۆڕی پزیشکیی خێزانی کە سەرۆکی کۆمەڵەی پزیشکانی خێزانییە لە کوردستان لە بوولتەنی تەندروستیدا رایگەیاند، پزیشکیی خێزانی راهێنان لەسەر هەموو بەشەکانی جەستە و تەمەنە جیاوازەکان دەکات و بە تەواوی ئامادەن بۆ راوێژکردن.

 

د. هێمن جەواد دەڵێت: پزیشکی خێزانی تاوەکو بڕوانامەی دکتۆرا تەواودەکات 7 ساڵی پێدەچێت و پسپۆڕی لەو بوارە بەدەستدەهێنێت، هاوکات دەشڵێت: پزیشکیی خێزانی زۆر زیاتر پێویستە لە هەرێمی کوردستان و هاندان بۆ خوێندن لەو بوارە کەمە.

 

 

- گوشاری سەر نەخۆشخانەکان کەمدەبێتەوە.

- پڕۆگرامی پێشگیریکردن لە نەخۆشییەکان باشتردەبێت.

- ئاڵۆزی و سەرلێشێواوی بۆ چوونە لای پسپۆڕی گونجاو کەمدەبێتەوە.

- نەخۆشییەکان لێکجیادەکرێنەوە و دابەشی سەر پسپۆڕییەکان دەکرێن بەپێی پێویست.