خوێندکارانی پەرستاریی پەیمانگەیەک 'پشکنینی گشتی' بۆ کارمەندانی رووداو دەکەن

 

ئامانج یونس، سەرۆکی دەستەی ئەمینداریی پەیمانگەکە دەڵێت، بۆ بەرزڕاگرتنی رۆژی پەرستاران و خزمەتێک بە کارمەندانی تۆڕی میدیای رووداو ئەم هەڵمەتەیان ئەنجام داوە، ئەوەش باس دەکات، رووداو بە بەرنامە و مژارە تەندروستییەکانی خزمەتێکی زۆری بە تەندروستیی کۆمەڵگە گەیاندووە.

 

ئەمڕۆ رۆژی جیهانیی پەرستارانە و بەپێی بەدواداچوونێکی دێسکی تەندروستیی رووداو، پەرستاران 58٪ـی کارمەندانی تەندروستیی هەرێمی کوردستان پێکدەهێنن.

 

بەپێی رێکخراوی تەندروستیی جیهانی، لە جیهاندا 29 ملیۆن پەرستار و 2.2 ملیۆن پەرستاری مامانی هەن، هەروەها رێکخراوەکە پێشبینی دەکات تاوەکو پێنج ساڵی دیکە 4.5 ملیۆن پەرستار کورتهێنان هەبێت.