لە کەلار هۆشداری لە زیادبوونی منداڵانی تووشبووی پەتاکان دەدرێت

 

ئەمڕۆ چوارشەممە 12-11-2025 دکتۆر حارس محەممەد، بەڕێوەبەری نەخۆشخانەی گشتیی کەلار بە رووداوی راگەیاند، لە هەموو تەمەنێکدا تووشبووی پەتا دەهێندرێتە نەخۆشخانەکە و زۆرینەی ئەوانەی کە دوو بۆ سێ رۆژ دەخەوێندرێن، ئەوانەن کە خوار پێنج ساڵن.

 

بەگوتەی بەڕێوەبەری نەخۆشخانەکە، (تا، سکچوون و رشانەوە) زۆرترین ئەو نیشانانەن کە منداڵەکان هەیانبووە. هەر بۆیە هۆشداری دەداتە دایباب کە منداڵەکانیان تێکەڵاوی قەرەباڵخی نەکەن و هەمیشە پاکوخاوێنییان بپارێزن.

 

 

1- شووشتنی دەستەکان بەمەرجێک زیاتر بێت لە 20 چرکە.

2- بەکارهێنانی مادەی پاکژکەرەوە بۆ سەر مێز و کەلوپەلەکانی دەوروبەرت.

3- بایەخ بە خواردنی سەوزە و میوەکان بدە بەتایبەت مزرەمەنییەکان.

4- رۆژانە ئاوی پێویست بخۆرەوە.

5- نزیک مەکەورەوە لە کەسی تووشبوو.

6- کەسانی تووشبوو لەکاتی کۆکە و پژمە کلێنکس بەکاربهێنن.

7- دوورکەوتنەوە لە شوێنی قەرەباڵخ.

8- هەواگۆڕکێ لەنێو ماڵدا هەبێت.

9- کوتان بە ڤاکسینی ئەنفلەوەنزای وەرزی.

10- دەرزیی تێکەڵە بەکارمەهێنە، چونکە بەرگریی جەستە لاواز دەکات.

11- بە ئاوی شلەتێن یاخود سارد خۆتبشۆ، چونکە بەرگریی جەستە بەهێز دەکات.