کۆمەڵەی شێرپەنجە لە ئەمریکا: گۆشتی زیادبرژاو مادەی شێرپەنجەیی لێبەرهەم دێت

 

کۆمەڵەی شێرپەنجە لە ئەمریکا رایدەگەیێنێت، زۆربرژاندنی گۆشتی سوور یاخود کەباب مادەی شێرپەنجەیی دروستدەکات، پسپۆڕێک روونی دەکاتەوە، هەریەک لە مادەکانی ئەمینۆ هێتیرۆسایکڵیک HCA و هایدرۆکاربۆنە بۆندارە پۆڵیسایکڵیکەکان PAH لە ئەنجامی زۆربرژاندنەکە بەرهەمدێن.

 

د. دانیاڵ لانداو، پسپۆڕی شێرپەنجە لە زانکۆی کارۆلینای باشوور دەڵێت، ئەو مادانە گۆڕانکاری لە بۆماوەمادەی DNAـی خانەکان دەکەن و تێکیان دەدەن، بەمەش خانەی شێرپەنجەی دروستدەکەن بەتایبەت شێرپەنجەکانی (کۆڵۆن، رێکە، پڕۆستات، پەنکریاس و مەمک).

 

 

- خۆشکردنی گۆشت بە تێکەڵەی پیاز، سیر، بەهارات، تەماتە و لیمۆ؛ دروستبوونی مادە شێرپەنجەییەکە کەمتر دەکاتەوە لەکاتی برژاندن.

 

- ئاگالێبوونی گۆشتەکە لەکاتی برژاندندا و نەهێڵدرێت رەش ببێتەوە.

 

- گۆشت بکوڵێندرێت ئینجا بخرێتە سەر ئاگر و ببرژێندرێت.

 

- لابردنی بەشە رەشەکەی کە لەسەر گۆشت و کەباب دروستدەبێت؛ چونکە ئەوە هەمووی شێرپەنجەییە.

 

- هەڵبژاردنی گۆشتی مریشک یاخود ماسی لەبری گۆشتی سوور بۆ برژاندن.