پسپۆڕێکی بۆماوەزانی: جەنگ مەترسیی تیشکی ناوەکی و تێکچوونی بۆماوەیی مرۆڤی لێدەکەوێتەوە

 

ئەمڕۆ شەممە 14-3-2026 محەممەد جەرجیس پسپۆڕی بایۆلۆژی و بۆماوەزانی لە بوڵتەنی تەندروستی رایگەیاند "یەکێک لە مەترسییە سەرەکییەکانی جەنگ، بەرکەوتنە بە تیشکی ناوەکی، ئەو کەسانەی کە لە دووری 5 کیلۆمەتر لە ناوچەی تیشکدانەوەی ناوەکین، ئەگەری تووشبوونیان بە چەندین کێشەی تەندروستی هەیە، وەک خوێنبەربوون، تێکچوونی سیستمی بەرگریی لەش، شێرپەنجە و زیان گەیشتن بە DNA."

 

محەممەد جەرجیس گوتی "تەنیا کاریگەرییە فیزیاییەکان نیین، بەڵکو ترس لە جەنگ کاریگەریی لەسەر شێوازی کارکردنی بۆماوەیی مرۆڤ هەیە و دەتوانێت لێکەوتەی دەروونیی درێژخایەنی هەبێت."

 

هاوکات، ئەو پسپۆڕەی بایۆلۆژی و بۆماوەزانی هۆشداریی دا لەبارەی چەکە کیمیاییەکانەوە و گوتی، "چەکە کیمیاییەکان بۆماوەی مادەی مرۆڤ تێکدەشکێنن و ئەگەری لەدایکبوونی منداڵی ناکام (پێشوەختە) زیاد دەکەن."

 

لەکۆتاییدا محەممەد جەرجیس چەند رێکارێکی بۆ خۆپاراستن و کەمکردنەوەی زیانەکان خستەڕوو، لەوانە: چاودێریی تەندروستیی بەردەوام، ئەنجامدانی پشکنینی پێشوەختە، پاککردنەوەی ژینگە لە مادە زیانبەخشەکان و بڵاوکردنەوەی هۆشیاری و زانیاریی دروست بۆ هاووڵاتییان.

 

 

- هەڵە لەکاتی دابەشبوونی خانەکان

-هۆکارە ژینگەییەکان

-ڤایرۆس و بەکتریایەکان

-مادە کیمیاییەکان

 

-شێوازی ژیان

-گوشاری دەروونی

-پەیوەندی کۆمەڵایەتی

-تەمەن