توێژینەوەیەک: ئەوانەی دەرمانی دژەقەڵەوی بەکاردەهێنن، دوای وازهێنان کێشیان زیاد دەبێتەوە
رووداو - تەندروستی
توێژینەوەیەکی زانکۆی ئۆکسفۆردی بەریتانی ئاشکرای دەکات، ئەو کەسانەی واز لە دەنکۆڵە و دەرزی بۆ کێشدابەزاندن دەهێنن، دوای ئەوەی وازیلێدەهێنن، کێشیان بە خێرایی زیاد دەبێتەوە.
پڕۆفیسۆر سوزان جێب، توێژەرێکی زانکۆکەیە و دەڵێت: دەرمانەکان بۆ کێشدابەزاندن زۆر باشن، بەڵام کاتێک وازیان لێدەهێنیت، ئەوا زۆر بە خێرایی کێشت بەرز دەکەنەوە.
بەگوێرەی ناوەندی خزمەتگوزاریی تەندروستیی نیشتمانیی بەریتانیا NHS، ژمارەی قوربانییانی دەرمانەکانی قەڵەوی زیادبووە و زۆرینەشیان بەکارهێنەرانی دەرمانە ساختەکانی ئۆنلاینن.
ناوەندی خزمەتگوزاریی تەندروستیی نیشتمانیی NHS لە بەریتانیا رایدەگەیێنێت، دەرمانەکان قەڵەوی سەرەتا بۆ نەخۆشیی شەکرەی جۆری دوو بەکاردەهاتن و ئێستاش بە ئەو کەسانە دەدرێت کە نەخۆشیی شەکرە و دڵیان هەیە و قەڵەون، هەروەها پسپۆڕان دەڵێن، ئەو دەرمانانە چارەسەرێکی خێرا و جێگرەوە نین بۆ خۆراکی باش و وەرزشکردن، هەروەها پێویستە تەنیا لەژێر چاودێریی پزیشکدا بەکاربێن.