گوتەبێژی تەندروستیی کەرکووک: هیچ تووشبوو و گومانلێکراوێکی کۆلێرا تۆمار نەکراوە

 

ئەمڕۆ دووشەممە 15-9-2025 سامان یابە، گوتەبێژی تەندروستیی کەرکووک بە رووداوی راگەیاند، تیمەکانیان بەردەوامن لە چاودێریکردنی چێشتخانە و شوێنە گشتییەکان تاوەکو رێگربن لە بڵاوبوونەوەی نەخۆشیی کۆلێرا.

 

سامان یابە روونی کردەوە، کۆلێرا نەخۆشییەکی کوشندەیە و لە هەر شوێنێک بڵاو ببێتەوە، کەرتی تەندروستیی ئەو شوێنە دەکەوێتە مەترسییەوە. ئەوەشی گوت، ''ئەم ساڵ و ساڵی رابردووش هیچ تووشبوویەکی نەخۆشییەکە تۆمار نەکراوە''.

 

 

- سکچوون

- وشکبوونەوەی تووند

- هەستکردن بە تینووێتیی زۆر 

- گرژبوونی ماسوولکەکان

- رشانەوە

- لاوازی

 

 

* پێویستە ئاو بکوڵێندرێت و دوای ساردبوونەوە بخورێتەوە.

* شۆردنی دەستەکان پێش و پاش نانخواردن.

* کوڵاندنی خواردن بەباشی و جوان شۆردنەوەی سەوزە و میوەکان.

* بەکارنەهێنانی ئاوی بیر و ئەو ئاوانەی سەرچاوەیان نادیارە.

* دوورکەوتنەوە لە خواردنی سەردانەپۆشراو و سەر عەرەبانە.

* نەخواردنی سەوزە و میوەکانی چێشتخانەکان.

 

 

- زۆر خواردنەوەی ئاو.

- وەرگرتنی ژیناوی تێکەڵ بە دژەبەکتریا بۆ کەمکردنەوەی سکچوون.

- بەکارهێنانی زینک بۆ منداڵانی خوار تەمەن پێنج ساڵ.

- بەکارهێنانی ژیناوی دەوڵەمەند بە مادە کانزاییەکان.

 

 

چەند ڤاکسینێک دژی کۆلێرا هەن کە کاریگەرییەکەیان لە کۆنترۆڵکردنی کۆلێرادا سەلمێنراون، بەڵام بۆ هێشتنەوەی بەرگری لە ئاستێکی بەرزدا پێویستە قورچکی بەهێزکەر وەربگیرێن.