پسپۆڕێک: 80٪ـی خەڵک دڵەکزێیان هەیە و رێگری لە هۆکارەکانیش ئاسانە

 

ئەمڕۆ یەکشەممە 16-2-2025 د. محەممەد عومەر، پسپۆڕی وردی نەخۆشییەکانی کۆئەندامی هەرس لە بوولتەنی تەندروستیدا رایگەیاند، 80٪ـی خەڵک دڵەکزێیان هەیە و هەر کاتێک سێ جار لە هەفتەیەک روویدا، ئەوا سەردانی پزیشک بکرێت.

 

د. محەممەد عومەر هۆکارەکانی تووشبوون بە دڵەکزێ باسدەکات وەکو؛

 

- شێواز و کاتی خواردن وەکو {مزرەمەنییەکان، خۆراکە چەورەکان، چا و قاوەی زۆر، خۆراکە خێراکان و زۆرخۆری}.

- ناڕێکیی لە فەرمانەکانی سوورێنچک و گەدە

- کات و چۆنیەتیی خەوتن

 

لە کۆتاییدا رێنوێنیی هاونیشتمانییان دەکات کە سیستمی خۆراکییان باشتر بکەن و دووربکەونەوە لە هۆکارەکانی دڵەکزێ بەتایبەت زۆرخۆری و خواردنی خۆراکە ناتەندروستەکان.