توێژینەوەیەک: خوێنبەخشین ئەگەری تووشبوون بە شێرپەنجە کەمدەکاتەوە

 

توێژینەوەکە لەلایەن پەیمانگەی فرانسس کریک کرا و دەرکەوت، ئەوانەی ساڵانە پێنج جار خوێنیان بەخشیوە ئەگەری تووشبوونیان بە شێرپەنجەی خوێن 50٪ کەمتر بووە بەراورد بەوانەی سێ جار یاخود کەمتر خوێنیان بەخشیوە.

 

د. هێکتۆر هوێرگا، نووسەری توێژینەوەکە دەڵێت: خوێنبەخشین هاندەری دروستبوونی خانە بنەڕەتییەکانی مۆخی ئێسکن و خانەی نوێ زیاتر بەرهەمدەهێنن.

 

بەپێی رێنوێنییەکانی ناوەندی NHS لە بەریتانیا، ئەوانەی تەندروستن و تەمەنیان لەنێوان 17 بۆ 65 ساڵە بۆیان هەیە خوێنببەخشن، ئەگەر نا ئەوانەی تووشبووی شێرپەنجە، نەخۆشییە درێژخایەنەکان و نەخۆشییە ڤایرۆسییەکانن ناتوانن خوێن ببەخشن.

 

 

- هاوسەنگیی ئاسن لە خوێندا دەپارێزێت

- رێگە لە زیادبوونی ئاسن دەگرێت

- ئەگەری تووشبوون بە شێرپەنجە کەمدەکاتەوە

- تەندروستیی جگەر و دڵ دەپارێزێت

- یارمەتیی کەمبوونەوەی کێش دەدات

- خانەی نوێی خوێن دروستدەبن