سەنتەری جەڵتەی مێشک لە سلێمانی: رۆژانە نزیکەی حەوت تووشبوو تۆمار دەکەین

 

ئەمڕۆ دووشەممە 16-6-2025 دکتۆر سەفین عەبدولڕەحمان، پزیشکی پایەبڵندی نەخۆشییەکانی مێشک و دەمار لە سەنتەری جەڵتەی مێشک لە نەخۆشخانەی شار لە سلێمانی بە رووداوی راگەیاند، رۆژانە نزیکەی حەوت تووشبووی جەڵتەی مێشک بە حاڵەتی مامناوەند و مەترسیدارەوە دێنە نەخۆشخانەکە و چارەسەریان بۆ دەکرێت.

 

دکتۆر سەفین عەبدولڕەحمان گوتی، ئەوانەی لە چوار کاژێری سەرەتای جەڵتەکەیان زوو دەهێندرێنە نەخۆشخانە، بە ئاسانی بە دەرمان چارەسەر دەکرێن، بەڵام ئەوانەی درەنگ دەهێندرێت، دووچاری لێکەوتەی مەترسیداری جەڵتەکە دەبنەوە.

 

لەبارەی جەڵتەی مێشک، جولیەت بوڤێری، بەڕێوەبەری جێبەجێکاری کۆمەڵەی جەڵتەی مێشک رایدەگەیێنێت، بەرزبوونەوە و کۆنتڕۆڵنەکردنی پەستانی خوێن هۆکاری سەرەکییە بۆ جەڵتەی مێشک، بەتایبەت لەو کەسانەی پشکنینی پێشوەختە ناکەن و پێی نازانن.

 

جولیەت بوڤێری دەڵێت: دوو لەسەر سێی ئەوانەی لە جەڵتە چاک دەبنەوە، بە نیڤشکانی نەخۆشخانە جێدەهێڵن.