پسپۆڕێکی ورد: بەکارهێنانی مۆبایل و ئایپاد هۆکارێکی کێشەکانی میزەڕۆیە لە منداڵدا

 

ئەمڕۆ چوارشەممە 16-7-2025 د. بەیار عەبدوڵڵا، پسپۆڕی وردی نەشتەرگەرییەکانی گورچیلە و میزەڕۆی منداڵان لە بووڵتەنی تەندروستیدا رایگەیاند، تاوەکو تەمەنی سێ ساڵی میزبەخۆداکردن ئاساییە و پێویستیشە، بۆ ئەوەی گورچیلەکانی بەهۆی راگرتنی میزەوە لەکارنەکەون.

 

ئەو پسپۆڕە باسی هۆکارەکانی میزڕانەگرتنی منداڵ دەکات وەکو؛ 

 

-خەوی قووڵ 

-خواردنەوەی ئاوی زۆر 

-گوشاری دەروونی 

-ترس 

-هەوکردنی میزەڕۆ 

-نەخۆشییە دەمارییەکان 

-شەکرە 

-بۆماوەیی 

 

زیاتر باسی کاریگەرییەکانی بەکارهێنانی ئامێرە ئەلیکترۆنییەکان دەکات و دەڵێت: سەیرکردنی کۆمەڵێک ڤیدیۆی نێویان وادەکات منداڵ تووشی دڵەڕاوکێ بکات و لەوەوە دەشێت میزبەخۆیاندا بکەن.