پسپۆڕێک: بۆماوەیی هۆکاری سەرەکیی شێرپەنجەی منداڵانە
رووداو - تەندروستی
پسپۆڕێکی نەخۆشییەکانی خوێن و شێرپەنجەی منداڵان رایدەگەیێنێت، تاوەکو ئێستا هۆکارەکانی شێرپەنجە لە گەوران ئاشکراکراون، بەڵام لە منداڵان تەنیا یەک هۆکار زۆر بەربڵاوە.
د. زەردەشت بەکر، پسپۆڕی نەخۆشییەکانی خوێن و شێرپەنجەی منداڵان دەڵێت: هۆکاری بۆماوەیی سەرەکیترین هۆکاری تووشبوونە بە شێرپەنجە.
ئەو پسپۆڕە روونی دەکاتەوە کە ئەوەی سەلمێندرابێت کە راستەوخۆ دەبێتەهۆی شێرپەنجە لە منداڵان، بۆماوەییە و هۆکاری دیکەش هەن بەڵام هێشتا نەسەلمێندراون وەک ئەوەی لە گەورەساڵاندا هەیە وەکو؛
- خۆراکی ناتەندروست
- کێشانی جگەرە و نێرگەلە
- ژینگەی پیسبوو
- بەرکەوتن بە تیشکی زیانبەخش
- قەڵەوی
- خواردنەوەی ناتەندروست