پسپۆڕێک: لەکاتی جەنگدا ئەگەری بڵاوبوونەوەی نەخۆشییە گوازراوەکان زیاد دەبێت

 

ئەمڕۆ چوارشەممە 18-3-2026 د. شاهۆ عوسمان، پسپۆڕی تەندروستیی گشتی لە بووڵتەنی تەندروستیدا رایگەیاند، سکچوون و رشانەوە دوو نیشانەی باوی نەخۆشییە گوازراوەکانن لەکاتی جەنگدا، تەنانەت نەخۆشییەکانی کۆئەندامی هەناسەش لە وەرزی سارددا زۆرتر دەبێت.

 

د. شاهۆ عوسمان دەڵێت: نەبوونی پاکوخاوێنی و نزمیی کواڵیتیی خۆراک لەکاتی جەنگدا هۆکاری سەرەکین بۆ زووبڵاوبوونەوەی نەخۆشییەکان و تووشکردنی زۆرترین منداڵ.

 

ئەو پسپۆڕە پێشنیاز دەکات، تووشبووی هەر نەخۆشییەک جیا بکرێتەوە یاخود دەمامک ببەستێت، پاشانیش کەلوپەلەکانی بەکارنەهێندرێن.

 

 

- کوڵاندن بۆ پاککردنەوەی ئاو

- بەکارهێنانی حەبی کلۆر

- شووشتنی دەستەکان بە سابوون (باشترە سابوونی شل بێت)

- داپۆشینی خۆراک و خواردنەوەکان

- هەواگۆڕکێی شوێنی مانەوە

- بەکارنەهێنانی کەلوپەلی یەکدی