لە ئەمریکا زیاتر لە 3.1 ملیۆن دڵۆپەی چاو دەکشێندرێنەوە

 

مایکل وایت پسپۆڕی دەرمانسازیی کلینیکی دەڵێت، بەکارهێنانی قەترەی چاوی پاکژنەبوو کە بەکتریا و کەڕووی تێدابێت، دەبێتە هۆی هەوکردنی چاو، کە دەکرێت مەترسیدار بێت، چونکە سیستمی بەرگریی جەستە بە سەختی دەگاتە ناو گلێنەی چاو بۆ ئەوەی شەڕی میکرۆبەکان بکات.

 

بەگوێرەی راپۆرتەکە، ئەمە دووەمجارە لە ساڵی 2023ـەوە دەستەی خۆراک و دەرمانی ئەمریکی (FDA) ئاگاداری کێشەکانی پاکژی لە کۆمپانیای K.C. Pharmaceuticals دەبێتەوە.

 

هەشت بەرهەمی جیاواز کێشراونەتەوە کە لەژێر ناوی بازرگانیی جیاوازدا لە فرۆشگە گەورەکانی وەک Walgreens, CVS, و Kroger فرۆشراون.

 

دەستەی خۆراک و دەرمانی ئەمریکی داوا لە بەکارهێنەران دەکات ئەگەر هەر یەکێک لەو بەرهەمانەیان کڕیوە، سەردانی ماڵپەڕی فەرمیی دەستەکە بکەن بۆ دڵنیابوونەوە لە ژمارەی زنجیرە (lot number) و بەرواری بەسەرچوونیان.