دواین زانیاری لەبارەی ئەو گەنجەی 15 سەگ هێرشی دەکەنە سەر و بە قووڵی برینداری دەکەن

 

دکتۆر ئەلەند ئەحمەد، ئەو پزیشکەیە کە گەنجەکەی بینیوە لە نەخۆشخانەی فریاکەوتنی دهۆک، ئەمڕۆ پێنجشەممە 19-2-2026 بە رووداوی راگەیاند، نزیکە 15 سەگی بێلانە هێرشیان کردبووە سەر و برینەکانی قووڵ بوون بەتایبەت لە سەر و قاچەکانی.

 

بەگوتەی ئەو پزیشکە، برینەکانی سەری ئاڵۆز بوون و خوێنی پێبەخشراوە، پاشانیش دەرزیی دژەهاریی سەگیان لێداوە، هەر دوێنێ شەویش لە چاودێریی چڕ خەوێندراوە و ئێستا دۆخی باشتر بووەتەوە، بەڵام هێشتا رێکاری دیکەی نەشتەرگەری ماوە کە بۆی بکرێت.

 

بەگوتەی دکتۆر ئەلەند ئەحمەد، تا ئێستا حاڵەتی لەم شێوەیەی گەستنی سەگی نەبینیوە.

 

 

بە گوێرەی ناوەندی کۆنتڕۆڵ و پێشگیریکردن لە نەخۆشییەکان لە ئەمریکا، هاریی سەگ نەخۆشییەکی ڤایرۆسییە و دووچاری کۆئەندامی دەمار دەبێت، هاوکات نەخۆشییەکە مرۆژەڵییە، واتە لە ئاژەڵەوە دەگوازرێتەوە بۆ مرۆڤ.

 

ناوەندەکە ئاشکرای دەکات، نەخۆشیی هاریی سەگ لە رێگەی شلەکانی جەستەوە بەتایبەت لیک و خوێنی کەس یان ئاژەڵی تووشبووەوە دەگوازرێتەوە و تەنانەت پەیوەندیی راستەوخۆ و گازگرتنیش هۆکارێکی گواستنەوەی نەخۆشییەکەن.

 

 

* دەرکەوتن؛ 2 بۆ 4 مانگ

* تا و گەشکە

* هەستیاری بە رووناکی و ئاو

* قورسیی قووتدان و لیکی زۆر

* ئیفلیجی

 

 

* دەرکەوتن؛ 2 مانگ بۆ ساڵێک

* ئیفلیجی

* تا و رشانەوە

* قورسیی قووتدان

* هەوکردنی مێشک و کۆئەندامی دەمار

* زیادبوونی لیک

* تێکچوونی باری دەروونی

* گازگرتن