زنجیری ملی نەخۆشێک لەنێو ئامێری MRI دەبێتە هۆی گیانلەدەستدانی

 

پۆلیسی نیویۆرک رایدەگەیێنێت، ئەو پیاوە زنجیرێکی گەورەی ئاسنینی لەملدا بووە و کاتێک ئامێرەکە داگیرساوە، کارلێکی نێوان لەرەی موگناتیسی ملوانکەکە و ئامێرەکە تێکەڵ بە یەک بوون و لە ئەنجامدا پیاوەکە کێشراوە بە ئامێرەکەدا.

 

ئەو رووداوە لە ناوەندی پزیشکیی ناساو لە ویلایەتی نیویۆرک روویداوە، کاتێک ئەو پیاوە 61 ساڵە بەبێ مۆڵەت چووەتە نێو ژووری پشکنینەکە و چووەتە نێو ئامێرەکە. ئیدی ملوانکەکەی لە ملدا گیربووە و کێشاویەتی بەملاو بەولادا، بە سەختی بریندار بووە و پاشانیش گواستراوەتەوە نەخۆشخانە، بۆ رۆژی دواتر گیانی لەدەستداوە.

 

 

بەپێی دەزگای خۆراک و دەرمان لە ئەمریکا، ئامێری MRI بە لەرەی موگناتیسکی کار دەکات بۆ بینینی وێنە روونەکانی نێو جەستە، ئەندامەکان و شانەکان لەپێناو دەستنیشانکردنی نەخۆشی بەکاردێت، هەر بۆیە هەر کەلوپەلێکی کانزایی بەتایبەت 'مۆبایل، کلیل، ملوانکە، ئەڵقە و مستیلە' دەبێت لە نەخۆش لێبکرێنەوە، چونکە ئەگەر بچنە نێو ئامێرەکە ئەوا دەشێت نەخۆش و کارمەندە پزیشکییەکەش بریندار بکەن.

 

بەگوێرەی FDA، ساڵانە ملیۆنان پشکنینی MRI لەو وڵاتەدا دەکرێن و نزیکەی 300 راپۆرتیش دەکرێن کە نەخۆش وەکو ئەم چیرۆکە تووشی کێشە هاتوون تێیدا.