هۆکارێکی قەڵەوبوون لەنێو خانمان ئاشکرا دەکرێت؛ 'زوو هاوسەرگیری مەکەن'

 

توێژەرانی زانکۆی یۆرک لە ئینگلاند ئەم توێژینەوەیەیان لەسەر خانمانی پاکستان کرد و دەرکەوت، نیوەی زیاتری ژنانی پاکستان کێشزۆرن یان قەڵەون و بەشێکی زۆریشیان لە تەمەنی زوودا شوویان کردووە.

 

ڤیکتۆر تاڤێزی، توێژەرێکی لێکۆڵینەوەکەیە و دەڵێت: بۆمان دەرکەوتووە، پێکهێنانی ژیانی هاوژینیی پێشوەختە ئەگەری قەڵەوبوون زیاد دەکات، ئەمەش لەڕێگەی چەند هۆکارێکەوەیە''.

 

 

- ئەوانەی بە زوویی هاوسەرگیری دەکەن، زوو منداڵیان دەبێت ئەمەش لە تەمەنە ناوەندییەکاندا کێشیان زیاد دەکات.

 

- زووهاوسەرگیری رێگە بە ژنان نادات زیاتر پەروەردە بکرێن و خۆیان رۆشنبیر و خوێندەوار بکەن کە دەشێت ئەو رۆشنبیرییە شێوازی ژیانیان تەندروست بکات.

 

- زۆرجار زووهاوسەرگیری توانای بڕیاردانی خانمان لە هەڵبژاردنی خۆراکی تەندروست لاواز دەکات، ئەمەش بەهۆی سەرقاڵبوونیان بە ئەرکەکانی ماڵداری و منداڵەوە.

 

هۆکاری ئەوەی داتاکانی خانمانی پاکستان بەکارهاتوون، ڤیکتۆریای توێژەر روونی دەکاتەوە، نزیکەی 40٪ـی خانمانی ئەو وڵاتە پێش تەمەنی 18 ساڵی ژیانی هاوژینیان پێکهێناوە، هەروەها وڵاتێکە لە گەشەسەندندایە و گۆڕانکاریی خۆراکیی زۆر بەسەر خەڵکەکەیدا هاتووە.