کۆمەڵەی پزیشکیی خەو لە تورکیا: تێکچوونی خەو لەنێو گەنجاندا زیاد بووە

 

کۆمەڵەی پزیشکیی خەو لە تورکیا دەریدەخات، بەشێکی زۆری ئەو نەخۆشانەی تۆمار کراون کە خەویان تێکچووە، شەوان درەنگ نووستوون و شێوازی ژیانیان بەهۆیەوە تێکچووە. 

 

پڕۆفیسۆر د. زەینەب زێرن، سەرۆکی کۆمەڵەکە دەڵێت: سەرەکیترین رێگەی چاککردنەوەی رۆتینی خەو؛ زوو لەخەو هەستان و جێبەجێکردنی رۆتینەکانی بەیانیانە.

 

 

- پێش کاژێر 11:00ـی شەو بخەوە.

- لەنێوان کاژێر 7:30 بۆ 8:00ـی بەیانی لەخەو هەڵبستە.

- پێش خەوتن گوێ لە میوزیک بگرە یان کتێب بخوێنەرەوە.

- پێویستە نیکۆتین، کافایین و ژەمی قورس پێش خەوتن نەخورێن.

- ژوورێکی سارد، تاریک و بەکارنەهێنانی شاشە پێش خەوتن، کواڵیتیی خەو باش دەکەن.

- خەوتن لەماوەی رۆژدا کەمتر لە یەک کاژێر بێت.

- رۆژانە وەرزش و جووڵەی بەردەوام هەبێت.

- گوشار و دڵەڕاوکێ کەمبکرێنەوە.

- کاتەکانی خەوتن و لەخەوهەستان دیار بێت.