پزیشکانی گشتیی دەرچووی زانکۆکانی دەرەوەی وڵات لەنێو هۆڵی وەزارەتی تەندروستی مانیان گرتووە

 

ئەمڕۆ یەکشەممە 22-6-2025 پزیشکانی گشتیی دەرچووی زانکۆکانی دەرەوەی وڵات لەبەردەم وەزارەتی تەندروستی گردبوونەوە، ئەوان دەیانەوێت لەگەڵ دامەزراندنی پزیشکانی گشتیی ساڵی 2024دا دابمەزرێن. بەڵام بەگوتەی خۆیان کە 50 پزیشکی گشتین ''ناویان لەنێو لیستی پزیشکانی گشتیدا دەرهێنراوە و وەزیری تەندروستی ناویان بەرز ناکاتەوە''.

 

ئەوان ئەمڕۆ لەگەڵ وەزیری تەندروستی کۆبوونەوە بۆ گەیاندنی داواکارییەکەیان، بەڵام دوای کۆبوونەوەکە دکتۆر ئوسامە داود، نوێنەری پزیشکانی دانەمەزراوی دەرەوەی وڵات بە رووداوی راگەیاند، لەگەڵ وەزیری تەندروستی قسەمان کردووە و ئەو دەڵێت، عەقڵم نایبڕێ کە ئێوە دابمەزرێن.

ئەمە دیمەنی ئێستایە کە کاژێر 12:34 خولەکە و هەموویان لەسەر کورسی و مێزەکانی نێو هۆڵی کۆبوونەوەی وەزارەتی تەندروستی دانیشتوون و ناچنە دەرەوە.

 

ئەمەی خوارەوە کۆنگرە رۆژنامەڤانییەکەی ئەو پزیشکانەیە.