تەندروستیی عێراق: رەزامەندی لەسەر دامەزراندنی بەشی پەرستاری دا

 

سەندیکای پەرستارانی عێراق رایگەیاند، دوای پێشکێشکردنی داواکاری و راوێژی پێشوەختە، وەزارەتی تەندروستی بە نووسراوێکی فەرمی لە کە ئاراستەی فەرمانگەی پلاندانان و گەشەپێدانی مرۆیی کراوە، رەزامەندیی لەسەر دامەزراندنی پەرستاران داوە.

 

بەگوێرەی سەندیکاکە، هۆکاری دامەزراندنەکە بۆ زیادبوونی ژمارەی نەخۆشخانە، کردنەوەی ناوەندی تەندروستییەکان، هەروەها زیادکردنی ژمارەی قەرەوێڵە لە نەخۆشخانەکان و زۆربوونی خواست لەسەر خزمەتگوزاریی تەندروستی دەگەڕێتەوە.

 

سەندیکاکە جەختی لەوەش کردووەتەوە، "بەردەوام دەبن لە بەدواداچوونی رێکارەکانی دامەزراندن لەگەڵ فەرمانگە پەیوەندیدارەکانی وەزارەت و ئەنجوومەنی خزمەتی فیدراڵی، تاوەکو فەرمانی وەزاری دەردەچێت و دەست بە کارەکانیان دەکەن."