لە بەریتانیا هۆشداری دەدرێتە هاووڵاتییان، ''پشکنینی پێشوەختەی دڵ بکەن''

 

لیۆنی برایان، کچی خانمێک کە بەهۆی نەخۆشیی زمانەی دڵەوە گیانی لەدەستداوە دەڵێت: ''ئەوە تاوانە چونکە ئەوانەی لێیان تێدەگەیشتین، گوێیان لێنەگیرا و لەگەڵ زۆرێک لەو ئاماژە دیارانە لەدەستماندا، کە دەکرا دەستنیشانکردنی دروستمان هەبێت''.

 

هەناسەتەنگی، سینگئێشە، لاوازی و بێهێزی نیشانە سەرەکییەکانی نەخۆشییەکەن و پسپۆڕێک پشتگوێخستنی خەڵک بە هۆکاری سەرەکی دەزانێت بۆ درەنگ دەستنیشانکردنی نەخۆشییەکە.

 

د. جۆناسان بایرن، پسپۆڕی نەخۆشییەکانی دڵ و لوولەکانی خوێن لە نەخۆشخانەی زانکۆی شاهانەی بەریتانی دەڵێت: ''زۆرجار نەخۆشەکان خۆیان درەنگ دەخەنە بەردەم پزیشکەکان و دەچنە بنکەکانی چاودێری بەتایبەت خەڵکانی ناوچە هەژارنشینەکان. ئێمە بە ناهۆشیاریی تەندروستی دەبینین، خەڵک بێئاگان لەوەی کە ئەم نیشانانە گرنگن، بەڵام گاڵتەیان پێدەکەن یان بەهۆی سەرقاڵی و کارکردنەوە ناتوانن پشوو وەربگرن بۆ ئەوەی خۆیان بپشکنن''.

 

ئێستا ملیۆن و نیوێک تووشبووی نەخۆشییەکانی زمانەی دڵ لە بەریتانیا هەن، پسپۆڕانیش هۆشداری دەدەن کە بە پشكنینی پێشوەختەی دڵ، مەترسیی نەخۆشییەکە کەم دەبێتەوە، چونکە پزیشکان زۆرجار بە نیشانە دەرکەوتووەکانی نەخۆشییەکە وادەزانن، نیشانەکانی پیرین.