توێژەرانی سوێد مەترسییەکی درەنگخەوتن ئاشکرا دەکەن

 

توێژینەوەکە لە زانکۆی ئۆپسالا لە سوێد کرا و دەرکەوت، کاریگەریی درەنگخەوتن هەر لە قۆناخە سەرەتاییەکانەوە لەسەر دڵ زوو دەردەکەوێت، ئەو کەسانەشی کە درەنگ دەخەون، مەترسیی تووشبوونیان بە جەڵتەی دڵ زیاد دەبێت.

 

لویز ئێدواردۆ، سەرپەرشتیارێکی توێژینەوەکە دەڵێت: ئەو بەشداربووانەی کەمتر لە پێنج کاژێر خەویان هەبووە، چەند پڕۆتینێکی خوێنیان بەرز بووەتەوە کە راستەوخۆ دەبنەهۆی گیرانی لوولەکانی خوێن و سستبوونی دڵ.

 

ئەو دەشڵێت: کەمخەوی کاریگەریی زۆری لەسەر هەموو تەمەنێک هەیە، بەتایبەت لەنێو گەنجاندا، ئەمەش وایکردووە کە دەشێت یەکێک لە هۆکارەکانی زیادبوونی جەڵتەی دڵ لەنێو گەنجان ئەوە بێت.

 

دامەزراوەی خەو لە ئەمریکا، 4 رێگە پێشنیاز دەکات بۆ خەوێکی خۆش و رێگری لە ماندووێتییی دوای لەخەوهەستان؛

 

1- پێشخەوتن هیچ ئامێرێکی ئەلیکترۆنی بەکارنەهێندرێت.

2- شەوانە خۆراکی قورس و چەور نەخورێن.

3- خوێندنەوەی کتێب یاخود خۆشۆردن بە ئاوی گەرم.

4- چالاکیی جەستەیی و جووڵەی رۆژانە، چونکە هەمیشە خەوی دوای ماندووبوون ئارامکەرەوەیە.