کۆمەڵناسێک: نزاکردن و خوێندنەوەی قورئان گوشاری دەروونی کەم دەکەنەوە

 

ئەمڕۆ چوارشەممە 25-2-2026 د. شڤان ئیسماعیل، کۆمەڵناس لە بوڵتەنی تەندروستی راگەیاند، کاتێک مرۆڤ نزا و نوێژدەکات یان قورئان دەخوێنێت، هەست بە ئارامیی دەروونی دەکات و گوشاری دەروونی لەسەر کەم دەبێتەوە، چونکە قورئانی پیرۆز ئاسوودەیی بە دەروون دەبەخشێت.

 

ئەو کۆمەڵناسە ئاماژەی بەوەشکرد، بیروباوەڕەکان رەنگدانەوەیان لەسەر رەفتارەکان دەبێت، بۆیە ئەو هیوایەی لە نزاکردن و خوێندنەوەی قورئانەوە بەدەستدێت، ئارامی بە دەروون دەبەخشێت.

 

د. شڤان ئیسماعیل دەڵێت: "مرۆڤ هەڵە دەکات، بۆیە هەمووکات دەتوانێت داوای لێخۆشبوون بکات و ئەو ئارامییە دەروونییە بەدەستبهێنێتەوە."